Republika e Kosovës sot shënoi një nga ditët më të rëndësishme të historisë së saj më të re, atë të çlirimit të vendit nga regjimi serb.
Në këtë përvjetor jubilar të çerek shekullit të çlirimit u organizuan dhjetëra aktivitete nga qeveria e Republikës së Kosovës si dhe nga presidenca.
Ceremonia qëndrore e 25 vjetorit të çlirimit të Kosovës u mbajt në sheshin “Skënderbeu” në qendër të kryeqytetit ku u bë edhe parakalimi i Foracave të Sigurisë së Kosovës dhe Policisë së Kosovës.
Të ftuar në këtë përvjetor ishin personalitete të ndryshme ndërkombëtare të cilët kontribuan në çlirimin e Kosovës.
Por në këtë këtë përvjetor mungoi kryeministri i Shqipërsië Edi Rama edhe pse ishte I ftuar që të merrte pjesë nga zyra e kryeministrit nën patronatin e të cilit ishte organizuar kjo ceremoni.
Nga zyra e kryeministrit për KosovaNews kanë konfirmuar ftesën që i kanë bërë ditë më parë kryeministrit Rama që të merrte pjesë në aktivitetet që shënojnë 25-vjetorin e çlirimit të Kosovës. Zëdhënësi i Qeverisë së Kosovës Përparim Kryeziu ka thënë se Zyra e kryeministrit Rama I ka njoftuar se Rama nuk do të mund të jetë I pranishëm me 12 qershor.
“Kryeministri Kurti, Zyra e tij, e ka ftuar Kryeministrin Rama në aktivitetet që shënojnë 25-vjetorin e çlirimit të Kosovës më 12 qershor. Kryeministri Rama, përkatësisht Zyra e tij, na ka njoftuar që nuk do të mund të jetë i pranishëm me 12 qershor” ka thënë Kryeziu për KosovaNews.
Sipas burimeve të KosovaNews zyra e kryeministrit Rama ka arsyetuar mospjesmarrjen e Edi Ramës në përvjetorin e çlirimit të Kosovës për shkak të agjendes së ngjeshur të tij.
Por sipas aktiviteteve të kryeministrit Rama të publikuar në facebook nuk duket që sot kishte ndonjë takim të rëndësishëm.
Në orët e paradites Rama ishte në një aktivitet për të prezantuar një aplikacion për turizmin në Shqipëri ndërsa më vonë nuk dukej të kishte ndonjë aktivitet apo takim të rëndësishëm kjo as sa për ta arsyetuar mosardhjen e tij në Kosovë.
Madje kryeministri Edi Rama nuk kishte denjur të ia bënte një urim të veçant shtetit të Kosovës në ditën e çlirimit, ai qysh në mëngjes kishte uruar anëtarët e Partisë Socialiste për 33 vjetorin e themelimit të kësaj partie ndërsa po aty me një gjysëm fjalie uroi Kosovën në përvjetorin e çlirimit.
“…gjithashtu me një urim nga zemra të gjithë popullit të Kosovës për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës” shkroi Rama në facebook.
Kujtojmë se vetëm dy ditë më parë kryeministri Rama ishte për vizitë në Kosovë me ftesë të kryetarit të LDK-së Lumir Abdixhiku për të marrë pjesë si folës kryesor në smpoziumin “Rugova dhe Perëndimi”.
Megjithëse ishte ftuar të fliste për Rugovën, në këtë simpozium kryeministri Rama më shumë u mor me kritika e thumbime kundër kryeministrit Kurti.
