Një fenomen i pazakontë ka ndodhur në zonën ku janë ndërtuar hidrocentralet në pjesën afër Brezovicës.
Nuk bëhet fjalë për ndonjë shpërthim natyror uji, për për pëlcitjen e gypave të hidrocentralit.
Pamjet tregojnë se shpërthimi është mjaft i madh.
Deri te shpërthimi i gypit të Hidrocentralit të Brezovicës që ka ndodhur mbrëmë dyshohet se ka ardhur për shkak të presionit të madh dhe aty është krijuar një fontanë gjigante.
Shpërthimi është aq i madh sa që shihet edhe nga larg. Edhe tani deri në çastet e raportimit vazhdon të jetë gjendja e njëjtë dhe nuk është ndalur ky shpërthim.
Kujtojmë se banorët e zonës patën protestuar me dhjetëra herë kundër punimeve që bëheshin atë kohë përgjatë lumit Lepenc në malet e Sharrit për ndërtimin e hidrocentraleve.
Banorët janë ankuar se me këto hidrocentrale dhe futjen e ujit nëpër gypa do të humbasin ujin e pijshëm dhe atë për ujitjen e tokave, me të cilat sigurojnë mbijetesën familjare.
