Shoqatat e dala nga lufta – Organizata e Veteranëve të Luftës së UÇK-së, Shoqata e Invalidëve të Luftës dhe Shoqata e Familjeve të Dëshmorëve kanë njoftuar se nuk do të marrin pjesë në asnjë aktivitet të përbashkët me Qeverinë e Kosovës për shënimin e Ditës së Çlirimit.
Ky vendim është marrë si një reagim ndaj asaj që ato e cilësojnë si qasje përbuzëse dhe mosrespektuese të Qeverisë së Kosovës.
Përmes një njoftimi, këto shoqata theksuan se nuk do të pranojnë ftesën për pjesëmarrje dhe e nënvizuan se respekti për sakrificën dhe kontributin për liri nuk mund të shprehet vetëm me fjalë, por duhet të pasqyrohet edhe në veprime konkrete.
