Qendra Kombëtare për Menaxhim Kufitar e Kosovës u ka bërë thirrje qytetarëve që të përdorin pikëkalime të tjera për qarkullim, pasi në pjesën serbe të Merdarit janë paralajmëruar protesta.
Qendra shkroi në Facebook se bllokimi i rrugëve në Merdar pritet të nisë në orën 12:00. dhe do të zgjasë deri në 15:00.
Njoftim me rëndësi:
Njoftohen të gjithë qytetarët të cilët planifikojnë të udhëtojnë përmes Pikë Kalimit Kufitar në Merdarë, se në pjesën e SRB, për sot janë paralajmëruar protesta dhe bllokim të rrugëve, prej orës 12:00-15:00. Ju inkurajojmë që të përdorni PKK tjera për qarkullim. Për çdo informatë shtesë kontaktoni numrat e telefonit në QKMK 045198000, 045198606 dhe pa pagesë 080050095”, thuhet në njoftimin e Qendrës Kombëtare.
Serbët kanë paralajmëruar bllokim të rrugëve çdo të hënë, në periudhën 12:00 – 15:00, për të kundërshtuar “terrorin ndaj serbëve lokalë në Kosovë”.
Mediumi Kossev ka shkruar se bllokada do të mbahet “derisa të përfundojë terrori i përditshëm”.
