Organizata studentore Studim Kritikë Veprim (SKV) , njofton se persona deri tani të panjohur kanë demoluar zyret e saj në Prishtinë.
Sipas njoftimit, demolomi e thyerja ka ndodhur mbrëmë rreth orës 23:00
“Aktivistët e SKV-së, me të kuptuar, kanë denoncuar rastin tek Policia e Kosovës, me ç’rast ekipet relevante kanë dalë në vendin e ngjarjes për të mbledhur dëshmitë e nevojshme”, thuhet në njoftim.
Organizata Studim Kritikë Veprim shpreh shqetësim për këtë incident të ndodhur ndërsa u bëri thirrje organeve të rendit dhe instancave kompetente të ndërmarrin masat e nevojshme në drejtim të hetimit të rastit dhe ndjekjes penale të autorëve të këtij veprimi.
