Nga e hëna, për herë të parë, Komuna e Obiliqit do të subvencionojë transportin publik, duke lehtësuar lëvizjen e qytetarëve, bëri të ditur kryetari i Komunës së Obiliqit, Halil Thaçi.
“Një premtim i dhënë, sot është realitet.
Nga e hëna, për herë të parë, Komuna e Obiliqit do të subvencionojë transportin publik, duke lehtësuar lëvizjen e qytetarëve tanë.
Transporti do të jetë në funksion nga ora 05:50 deri në ora 24:00.
Falënderoj Drejtorin e Shërbimeve Publike, Valon Svircën, dhe stafin e tij për angazhimin dhe punën e bërë në realizimin e këtij procesi.
Linjat e subvencionuara janë:
• Obiliq – Prishtinë
• Breznicë – Obiliq – Prishtinë
• Bakshi – Raskovë – Obiliq – Prishtinë
• Grabovc – Sibovc – Obiliq – Prishtinë
• Dardhishtë – Prishtinë
• Hade e Re – Mazgit i Epërm – Mazgit i Poshtëm – Obiliq – Prishtinë
• Plemetin – Obiliq – Prishtinë
• Hamidi – Lajthishtë – Prishtinë
• Hade – Palaj – Obiliq – Prishtinë
• Babimoc – Obiliq – Prishtinë
Vazhdojmë t’i mbajmë premtimet tona”, u shpreh kryetari i Komunës së Obiliqit, Halil Thaçi.
