Përmes një njoftimi është bërë e ditur që i kanë dhënë fund grevës dhe mësimi në shkollën fillore “Elena Gjika”, në kryeqytet do të nisë nga dita e hëna.
Njoftimi për nisjen e mësimit është bërë i ditur në llogarinë e kësaj shkolle në Facebook.
Sipas krerëve të kësaj shkolle, ndonëse me indinjatën për mosrealizimin e kërkesave të punëtorëve të arsimit, ky institucion ka marrë gjithsesi vendim që të mos e zgjasë më grevën.
Më poshtë gjeni postimin në fjalë:
Njoftim,
Të nderuar prindër e nxënës; Duke ju falënderuar juve prindër të nderuar që përgjatë këtij muaji të vështirë për neve ashtu edhe për juve, ju ishit mbështetësit kryesor në kërkesat tona dhe na kuptuat maksimalisht.
Të indinjuar nga mos realizimi i kërkesave tona në kohën më të vështirë financiare, ju njoftojmë se : Kolektivi i SHFMU ” Elena Gjika”,merr vendim që për hir të nxënësve dhe duke e parë se kjo grevë do vazhdonte në pafundësi për shkak të mungesës vullnetit të mirë nga të gjitha palët, nga dita e hënë me datë 03.10.2020 , e fillon procesin mësimor me orar të cilin e dërgoj më vonë.
Faleminderit për durimin dhe përkrahjen tuaj
