Jusuf Thaçi, njohës i çështjeve arsimore, ka reaguar rreth kompensimit të orëve të humbura në shkolla, për shkak të grevës që ishte në arsim për disa javë.
Thaçi ka thënë se, për të gjetur zgjidhjen më të mirë për zëvendësimin e ditëve të humbura të mësimit fillor, duhet jenë parasysh tri gjërat, ku njëra prej tyre është se zëvendësimi i ditëve të humbura nuk duhet të jetë ngarkesë e tepërt për nxënësit, mësimdhënësit e as për prindër.
Ndërsa tjetra që duhet të merret parasysh është që, sipas Thaçit, nuk bën të shtohen orë mësimi shtesë gjatë ditëve të punës.
Ndërsa e treta është, mësimi nuk bën të mbahet në korrik për shkak të temperaturave shumë ta larta.
“Për të gjetur zgjidhjen më të mirë për zëvendësimin e ditëve të humbura të mësimit fillimisht do të duhej t’i kishim parasysh tri gjërat në vijim: 1. Zëvendësimi i ditëve të humbura nuk duhet të jetë ngarkesë e tepërt as për nxënësit, as për prindërit, as për mësimdhënësit dhe as për shkollat. Prandaj, nuk është mirë të punohet më shumë se një të shtunë në muaj. 2. Nuk bën të shtohen orë mësimi shtesë gjatë ditëve të punës. 3. Mësimi nuk bën të mbahet në korrik për shkak të temperaturave shumë të larta”, ka thënë mes tjerash Thaçi.
