Përkundër që Gjykata Komerciale e Kosovës ka vendosur që të ndalë punimet në “Rrugën A”, qeverisja e Përparim Ramës nuk po e respekton këtë vendim dhe po i vazhdon punimet në këtë projekt, për të cilin është konstatuar se janë bërë shkelje të shumta si nga Komuna ashtu edhe nga OShP-ja.
Deri te pezullimi i punimeve tri ditë më parë erdhi pasi që Gjykata konsideron se kompania “Sallahu” që po kryen punimet pas kontraktimit nga Komuna, dyshohet të ketë falsifikuar dhe mashtruar në prokurim.
Rrjedhimisht, kompania nuk mund të marrë pjesë dhe as të ekzekutojë kontrata publike.
Mirëpo, qeverisja e koalicionit LDK-PDK në Prishtinë nuk po respekton vendimin e gjyqësorit dhe sot në “Rrugën A”, janë duke u zhvilluar punime.
KosovaNews ka pamje nga vendi i punishtes ku shihen duke u kryer punime.
Kështu përveç lidhje se kontratës me kompaninë që është e dyshuar për falsifikim dhe mashtrim, tani qeverisja e koalicionit LDK-PDK në Prishtinë nën udhëheqjen e kryetarit Përparim Rama, nuk po respektojnë as vendimin e gjyqësorit.
Pritet të shihet nëse organet ligj-zbatuese do të ndërmarrin hapa ndaj shkeljes së vendimit të Gjykatës.
