Nënkryetarja e PDK-së, Vlora Çitaku i ka dalë në krahë kryeministrit Albin Kurti, derisa ky i fundit është fajësuar nga presidenti i Serbisë për situatën në veri.
Çitaku ka theksuar se pavarësisht se Kurtin e ka oponent politik, Vuçiqi nuk mund t’ia lerë atij fajet për situatën në veri.
Nënkryetarja e PDK-së , daljen e Vuçiqit para medieve e cilësojë si shfaqje teatrale dhe patetike. “Kurti tha ka faj. Njëjtë thonin për Thaçin, Mustafën, Haradinajn”, ka shkruar Çitaku
Ajo ka thënë se, Kurtin e fajëson për mungesën e reagimit qeveritar karshi inflacionit, mungesës së projekteve zhvillimore, mungesën e koordinimit me SHBA dhe BE. “E kritikoj për rrënimin e dialogut social me media, biznese, shoqëri civile, opozitë. E kritikoj për qasjen e tij në dialog me Serbinë”, ka shkruar Çitaku në Facebook.
