Myftiu i Kosovës, Naim Tërnava, do të mbajë të martën, konferencë për media lidhur me grevën në arsim.
Bashkësia Islame e Kosovës (BIK) ka dërguar një njoftim ku thuhet se Tërnava do të flasë para mediave për grevën.
“Njoftojmë mediat se sot (27 shtator) Myftiu i Kosovës Naim ef. Tërnava do të mbajë një konferencë urgjente për shtyp përkitazi me grevën në arsim. Konferenca mbahet në orën 12:00 në selinë e Kryesisë së BIK-ut në Prishtinë”, thuhet në njoftim.
Greva e mësimdhënësve ka nisur më 25 gusht, derisa më shumë se 300 mijë nxënës kanë mbetur në shtëpi, pasi Këshilli Grevist dhe Qeveria nuk po arrijnë pajtim. Ndërkohë që disa shkolla tashmë kanë filluar të mos i binden SBAShK-ut dhe kanë ndërprerë grevën dhe kanë nisur procesin mësimor.
