Kryeministri i vendit, Albin Kurti e ka emëruar Arsim Ademin zëvendësministër të Arsimit, Shkencës, Teknologjisë dhe Inovacionit. Zyra e Kryeministrit njoftoi të enjten, duke thënë se Kurti i ka uruar sukses në përmbushjen e përgjegjësive.
“Kryeministri i Republikës së Kosovës, Albin Kurti, ka emëruar sot z. Arsim Ademin, zëvendësministër të Arsimit, Shkencës, Teknologjisë dhe Inovacionit. Kryeministri Kurti e uroi z. Ademi për detyrën dhe i dëshiroi suksese në përmbushjen e përgjegjësive të reja”, thuhet në komunikatë.
Aktualisht, në faqen e MASHTI-it figuron Taulant Kelmendi si zëvendësministër.
Zv.ministër i ministres Arbërie Nagavci ka qenë edhe Dukagjin Pupovci, por kishte dhënë dorëheqje në 2022-n.
