Një person është arrestuar mbrëmë në orën 18:40 në rrugën “Rexhep Bislimi”, në Ferizaj, pasi që i njëjti kishte tentuar t’i ikë policisë, pasi që këta të fundit e kishin urdhëruar të ndalet.
“Është arrestuar i dyshuari mashkull kosovar pasi që i njëjti fillimisht nuk i është bindur urdhrave të zyrtarëve policore për tu ndaluar me veturë dhe ka tentuar të ikë duke rrezikuar trafikun publik”, njofton policia.
Njësitet policore pasi kanë ndalur të dyshuarin, gjatë kontrollit tek ai kanë gjetur dhe konfiskuar një pistoletë me 6-fishekë cal-9mm.
Përkundër këtyre shkeljeve në trafik dhe gjetjes së armës së zjarrit, me vendim të prokurorit i dyshuari është liruar dhe rasti vazhdon në procedurë të rregullt.
