Rinor Qehaja, njohës i fushës së arsimit nga ‘Instituti Edgard’ në ‘InfoPlus’ ka folur për furnzimin me tekste shkollore dhe për arsimin gjithëditor, që do të fillojë së implementuari nga shtatori i këtij viti, në Prishtnë.
Lidhur me furnizimin me tekste shkollore, ai tha se do të jetë trajektore e njejtë, sikurse në vitin paraprak, përmes subvencionimit të drejtpërdrejtë të ekonomive familjare në blerejn e teksteve shkollore. Qehaja tha se nëse subvencionimi bëhet në kohë, shtëpitë botuese, prindërit dhe libraritë do të mund të menaxhonin si duhet çështjen e furnizimit të mjeteve mësimore.
Ai më tej vuri në pah disa të meta në procesin e furnizimit të librave dhe të mjeteve mësimore, si njoftimi me vonesë të prindërve për përdorimin e platformës në subvencionimin e teksteve shkollore duke shtuar se jo të gjihtë prindërit kanë vetëdije e përgjegjësi që ato mjete të subvencionuara të shkojnë në sigurimin e teksteve dhe mjeteve mësimore.
“Por kur tekstet shkollore arrijnë në kohë, që është edhe qëllimi, se a bëhet në formë të subvenciomimit përmes blerjeve në libraritë lokale apo përmes shpërndarjes drejtpërdrejtë në shkolla, kjo pak ka rëndësi, sa ka shpërndarja në kohë dhe fillimi i vitit shkollor me tekstet shkollore”, tha Qehaja.
Lidhur me çmimet e teksteve shkollore, Qehaja tha se kjo mund të arrihet përmes negociatave ndërmjet Ministrisë së Arsimit dhe shtëpive botuese.
Tutje Qehaja bëri të ditur se është bërë edhe rishikimi teksteve mësimore nga klasa I-IX dhe mbetet të shihet përmimrësimi i teksteve.
Ndërkaq paralajmërimet nga SBASHK-u për greva në fillim të shtatorit, Qehaja i vlerësoi si të zakonshme e të përsëritura, derisa shtoi se ky është nje mjet i tyre që kanë bërë edhe më parë, por që ka shkuar në dëm të nxënësve.
“Ajo që gjithëherë kemi bërë thirrje është që të bëhet rishikimi i ligjit për greva dhe prezantim të profesionit të mësimdhënësve, si profesion me rëndësi shtetërore, që kufizojnë reagimin sindikal të sindikatës” deklaroi Qehaja, teksa shtoi se sindikata ka të drejtë të kërkojë mirëqenie më të mirë për mësimdhënësit.
