Pas sulmit të sotëm terrorist në Jerusalem, pas të cilit tre persona humbën jetën dhe gjashtëmbëdhjetë të tjerë u plagosën, Tamar Ziv, Ambasadore e Shtetit të Izraelit në Republikën e Kosovës, reagoi me një shkrim në rrjetin shoqëror “X”.
“Vetëm disa orë pas zgjatjes së armëpushimit, dy sulmues të lidhur me Hamasin kryen një tjetër sulm terrorist barbar, brutal në Jerusalem duke vrarë rabinin Elimelech Vaserman (73), Hanna Ifargan (60) dhe Libia Dikman (24), teksa po prisnin autobusin, dhe duke plagosur shumë të tjerë. Ndërsa Izraeli mbetet i përkushtuar ndaj një zgjidhjeje që do të nënkuptonte fundin e luftës, terrorizmi mbetet një e keqe globale që duhet çrrënjosur”, ka shkruar ambasadorja Ziv.
