Përfaqësues të institucioneve, diplomatikë e qindra qytetarë kanë marrë pjesë në ceremoninë e varrimit të policit Afrim Bunjaku, i cili dje u vra në krye të detyrës në Banjskë të Zveçanit.Në varrimin e policit Bunjaku ka marrë pjesë edhe ambasadori i Shteteve të Bashkuara të Amerikës, Jeffrey M. Hovenier, ambasadori i BE-së në Kosovë, Tomas Szunyog, dhe ambasadori i Francës në Kosovë, Olivier Guerot.Sot për rreshterin e vrarë dje në orët e para të mëngjesit në Banjskë të Zveçanit, Afrim Bunjaku, është mbajtur edhe një mbledhje komemorative.
Presidentja e Kosovës, Vjosa Osmani, e ka shpallur Afrim Bunjakun “Hero i Kosovës”.Afrim Bunjaku, rreshter i Policisë së Kosovës, u vra të dielën pas një sulmi nga një grup terrorist në Banjskë të Zveçanit.Organet e rendit konfirmuan se tre sulmues janë vrarë dhe gjashtë të tjerë janë arrestuar, dy prej tyre të uniformuar dhe katër të tjerë që ndihmonin në operacion përmes radiolidhjeve.
