Deputeti nga radhët e Lëvizjes Vetëvendosje, Mefail Bajqinovci, ka reaguar sa i përket mosblerjes së teksteve shkollore për këtë vit nga MASHT-i.
“Po bërtasin sepse po vendoset një standard që mundëson blerjen e librave nga shteti, pa ndërmjetës e pa korrupsion. Imagjinojeni, e para kanë zhvillu prokurime të dyshimta ku ose dikush është pasuru në mënyrë marramendëse, ose është keqpërdorë politikisht sa herë ka pas zgjedhje. Tash, e para librat do të blihen direkt nga prindërit me paratë që ua transferon shteti. Pra, pa tender, pa favorizim të një kompanie, për të gjithë njësoj e mbi të gjitha, shumë më lirë se sa që është shpenzuar më parë.”, ka shkruar mes tjerash ai.
“Për fund, këta vdesin kur Qeveria Kurti, aplikon forma të ndihmës direkte për qytetarët, pa aplikuar metodat e tyre të tenderomanisë. Fakti që qytetarët e kuptojnë se Qeveria u mundëson realizimin e kësaj të drejte, pa i vjedhur me tender e pa i keqpërdorur qytetarët, i tmerron.
Standardi se mund t’u shërbehet qytetarëve pa vjedhur, këta i nxjerrë të paftyrë edhe para anëtarësisë së vet së cilës provojnë t’i mbushin mendjen se të vjedhësh në shtet, është normale.
Popullit provojnë t’i servojnë dhunshëm përceptimin se “po kaq hajna sa jemi ne, janë edhe këta”, ka shkruar tutje ai.
