Pasi është tërhequr nga pozita e drejtoreshës se Punës dhe Mirëqenies Sociale, Vjollca Kabashi ka dhënë dorëheqje edhe nga partia e saj AAK, ku kishte kontribuar për më tepër se dhjetë vite.
Lidhur me arsyetimin e dorëheqjes së saj nga partia, Kabashi i ka thënë KosovaNews-it se kryetari i AAK-së në Prizren, Besnik Krasniqi, u ka kërkuar drejtorëve dhe zyrtarëve të partisë që t’ju kërkojnë bizneseve të holla në mënyrë që të përfitojnë nga tenderët e Komunës.
“Unë nuk i kam lejuar manipulimet. Në çdo takim të partisë, kryetari i tanishëm Besnik Krasniqi ka kërkuar nga ne që t’u kërkojmë bizneseve buxhet për partinë në mënyrë që ata të përfitojnë nga tenderët e drejtorive që i udhëheqim ne. Unë asnjëherë nuk kam pranuar një gjë të tillë”, ka thënë Kabashi për KosovaNews.
Lexo po ashtu:
Duke rrëfyer për kërcënimet të cilët Kabashi thotë se iu janë bërë nga kryetari i Prizrenit, Shaqir Totaj, ajo është shprehur se nën presione të shumta, është detyruar të nënshkruaj një dokument të falsifikuar për bartje të buxhetit.
“Fillimisht më ka ardhë një zyrtar i Komunës me disa dokumente të falsifikuara të cilin e kam kthyer mbrapa. Më pas tërë ditën kam pasur thirrje të shumta telefonike nga drejtori i Shërbimeve Publike, Çelë Lamaj. Të nesërmën më thirri në takim urgjent shefi i kabinetit të Totajt, Nehat Elshani. Shkova në zyre ku kryetari Totaj, m’i zgjati dokumentet e falsifikuara dhe nuk më lejoj as t’i rishikojë por më urdhëroi që t’i nënshkruaj, gjë që e bëra nën presion”
Lexo po ashtu:
Lidhur me këtë nënshkrim. Kabashi ka thënë se është shfajësuar nga Policia e Kosovës, pasiqë ajo e kishte denoncuar rastin në departamentin e Krimeve Ekonomike.
“Pas nënshkrimit, të nesërmën e paraqita rastin në Policinë e Kosovës, ku tanimë kanë filluar hetimet dhe më kanë thënë se me këtë denoncim jam shfajësuar nga rast”, u shpreh Kabashi për KosovaNews.
