Ministria e Arsimit, Shkencës dhe Teknologjisë ka publikuar listën – 1609 studentë të fushave STEM.
Ministria e Arsimit, Shkencës, Teknologjisë dhe Inovacionit (MAShTI), ka publikuar listën e përfituesve në Thirrjen për mbështetjen financiare të studentëve që studiojnë në fushat e Shkencës, Teknologjisë, Inxhinierisë e Matematikës (STEM).
Në këtë thirrje kanë aplikuar 3618 studentë, ndërkaq komisioni vlerësues ka konstatuar se 1609 kanë përmbushur kriteret sipas thirrjes dhe janë përfitues të mbështetjes financiare në vlerë 1 mijë euro, prej të cilëve 1366 vajza/gra dhe 243 djem/burra.
Për këtë skemë të filluar vitin e kaluar, sivjet është dyfishuar buxheti nga një milion në dy milionë, prandaj është dyfishuar edhe numri i përfituesve dhe është zgjeruar thirrja, duke përfshirë edhe djemtë/burrat.
MAShTI tashmë ka njoftuar studentët që janë përfitues në dy apo më shumë skema, se mund të zgjedhin vetëm njërën nga skemat që dëshirojnë të përfitojnë.
Linku: https://masht.rks-gov.net/vendim-per-perfituesit-e…/
