Ushtruesi i detyrës së drejtorit të Byrosë Kosovare të Sigurimeve, Shefik Gerbovci, duke mos respektuar rekomandimet e Bankës Qendrore të Kosovës dhe me konkurs të fshehtë e të kurdisur është përzgjedhur për tu bërë drejtor i BKS-së. Por sipas burimeve të KosovaNews javën e kaluar Policia e Krimeve Ekonomike ka filluar hetimet me urdhër te prokurorisë nën dyshimet për kurdisje të konkursit.
Ndërkohë dallaveret Gërbovcit nuk përfundojnë vetëm me kaq, sipas burimeve të KosovaNeës Gërbovci ndodhet edhe në konflikt të hapur të interesit në raport me pozitën e drejtorit të BKS.
KosovaNews mëson se Shefik Gërbovci është këshilltar i drejtorit të kompanisë së sigurimeve “Siguria” Fitim Rexhepaj.
Ndërkohë drejtori i kompanisë “Siguria” Fitim Rexhepaj është nënkryetar i këshillit të Byrosë Kosovare të Sigurimeve këshill i cili në mënyrë të kundërligjshme dhe pa përfillur rekomandimet e Bankës Qëndrore të Kosovës përzgjodhi Gërbovcin për drejtor të BKS-së.
Në mbledhjen e Këshillit Administrativ të BKS-së të mbajtur me 11 qershor Shefik Gërbovci u përzgjodh për tu bërë drejtor i BKS-së pa ndonjë konkurs apo thirrje publike.
Përmes një konkursi të fshehtë e të kurdisur këshilli administrativ i BKS-së në përbërjen e të cilit ishte edhe z.Fitim Rexhepaj eprori i Gërbovcit në kompaninë “Siguria” javën e kaluar përzgjodhi Gërbovcin për kryeshef të BKS-së. E gjithë kjo situatë e krijuar brenda BSK-së e gjen Shefik Gërbovcin në konflikt të hapur të interesit për pozitën drejtuese në të cilën është përzgjedhur.
Por përveçse merr rrogë nga kompania “Siguria” sipas burimeve të KosovaNews brenda BKS-së Gërbovci paguhet edhe nga disa kompani të tjera të sigurimeve .
Për të gjitha këto gjetje, dhe për të dhënë sqarime KosovaNeës u ka dërguar pyetje në emailat zyrtar z.Shefik Gërbovci dhe z.Fitim Rexhepaj mirëpo ata nuk u janë përgjigjur pyetjeve tona.
