Propozimi i Odës së Noterëve për shtyrje të ekzekutimit të Udhëzimit Administrativ për tarifat noteriale, është refuzuar si i pabazuar nga Gjykata Themelore në Prishtinë, shkruan KosovaNews.
Kështu ka njoftuar ministrja e Drejtësisë, Albulena Haxhiu duke deklaruar se Udhëzimi i ri Administrativ për Tarifat Noteriale
Përmes një postimi në facebook, Haxhiu ka theksuar se Udhëzimin e ri Administrativ për Tarifat Noteriale, me të cilin ulen konsiderueshëm tarifat për shërbimet noteriale, është nënshkruar me 22 korrik pas një procesi të gjerë konsultimesh, duke u bazuar në legjislacionin në fuqi, dhe në linjë me prioritetet tyre qeverisëse.
Përmes Udhëzimit të ri Haxhiu ka bërë të ditur se janë ulur konsiderueshëm tarifat për shërbimet noteriale, si dhe lirohen në tërësi nga tarifat noteriale fëmijët pa kujdes prindëror, personat me nevoja të veçanta, personat që kërkojnë të realizojnë të drejtat në Qendrën për Punë Sociale dhe personat që përfitojnë nga Ligji për Ndihmë Juridike Falas.
Me udhëzimin e ri, Haxhiu ka deklaruar se nuk është pajtuar Oda e Noterëve e cila këtë udhëzim e dërgoi në Gjykatë, edhe pse e njëjta sipas saj, ishte e përfshirë në procesin e hartimit të tij.
Ajo, ka bërë të ditur se Gjykata e Themelore në Prishtinë sot ka refuzuar, sipas saj si të pa bazuar propozimin për shtyrje të ekzekutimit të Udhëzimit të ri Administrativ për Tarifat Noteriale./KosovaNews/
