Ad image

Sveçla merr pjesë në hapje të panairit së sigurisë Eurosatory në Paris

Kosova News
Kosova News 20:23 -13/06/2022

Ministri i Punëve të Brendshme, Xhelal Sveçla, mori sot pjesë në hapje të Panairit Ndërkombëtar të Mbrojtjes dhe Sigurisë – Eurosatory, i cili mbahet nga 13-17 qershor në Paris.

Në një postim në llogarinë e tij në Facebook, ministri Sveçla ka shkruar se Eurosatory është një mundësi për t’u njohur me zhvillimet e fundit në fushën e industrisë së mbrojtjes dhe sigurisë.

“Së bashku me drejtorin e përgjithshëm të policisë do të kemi mundësinë të njoftohemi me zgjidhjet më të reja dhe të avancuara të teknologjisë në fushën e sigurisë dhe të mbrojtjes, të arriturat e fundit në industrinë e armëve dhe pajisjeve të tjera, si dhe vendosjen e bashkëpunimit me shumë shtete që e kanë të zhvilluar dhe të avancuar këtë industri”, ka shkruar Sveçla.

Ai ka shprehur përkushtimin për avancimin e politikave të sigurisë, përmes investimit dhe mobilizimit drejt rritjes së sigurisë dhe kapaciteteve mbrojtëse, për të siguruar jo vetëm siguri dhe mbrojtje në vendin tonë, por edhe më gjerë.

Ndryshe, Eurosatory është panairi më i madh botëror i forcave tokësore dhe ajrore në fushën e mbrojtjes e sigurisë.

Shpërndaje