Sot, rreth orës 06:57, në magjistralen Suharekë – Shtime, në vendin e quajtur Qafa e Duhlës, ka ndodhur një aksident trafiku me pasoja tragjike.
Policia ka njoftuar se një motoçikletë me të cilën po udhëtonte një çift shtetas maqedonas (A.S., 1979 – mashkull dhe D.M., 1985 – femër) është përplasur pasi një qen endacak ka dalë në rrugë, duke bërë që drejtuesi i mjetit të humbasë kontrollin.
Si pasojë e aksidentit, pasagjerja D.M. ka ndërruar jetë në vendin e ngjarjes, ndërsa drejtuesi i motoçikletës ka mbetur i lënduar.
Policia e Kosovës dhe njësitet emergjente kanë dalë menjëherë në vendin e ngjarjes, ku mjeku ka konstatuar vdekjen e viktimës dhe të lënduarit i është ofruar ndihma e parë mjekësore.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për autopsi. Hetimet rreth rastit janë duke vazhduar.
Tutje bëhet e ditur se magjistralja Suharekë – Shtime është e hapur dhe e qarkullueshme për trafikun.
