Shërbimi Spitalor dhe Klinik Universitar i Kosovës ka bërë të ditur se të gjitha operacionet kane qenë dhe janë duke vijuar normalisht.
Përmes një njoftimi zyrtar, SHSKUK-ja thotë se sasia e ampulës “Fentanyl”, ka afat qëndrueshmërie dhe ka sasi të mjaftueshme.
“Raportimet publike se kësaj sasie i skadon afati nuk qëndrojnë” thuhet në njoftim.
Ky është njoftimi i plotë:
Shërbimi Spitalor dhe Klinik Universitar i Kosovës, siguron qytetarët e pacientët se operacionet kanë qenë e janë duke vijuar normalisht.
Sasia e ampulës ‘Fentanyl’ në ShSKUK, ka afat qëndrueshmërie dhe sasi të mjaftueshme.
Raportimet publike se kësaj sasie i skadon afati nuk qëndrojnë.
Lutemi për kujdes në raportime të këtij lloji për shmangur shkaktimin e panikut tek qytetarët.
