Pas reagimit të kryetarit të Prishtinës, Përparim Rama si dhe zyrtarëve të lartë të LDK-së duke përfshirë edhe kryetarin e saj, Lumir Abdixhikun lidhur me pezullimin e punimeve në rrugën A nga Gjykata Komerciale, ka reaguar shefi i asambleistëve të VV-së në Komunën e Prishtinës, Gzim Sveçla.
Ai ka kthënë që reagimet e zyrtarëve të LDK-së duke e fajësuar LVV janë euforike dhe të pasakta, pasiqë në rastin e tenderimit të rrugës A, ka pasur një varg shkeljesh dhe parregullsish, ku në këtë rast dyshohet për keqpërdorime, mashtrime, shkelje të Ligjit të Prokurimit dhe favorizim të një Operatori Ekonomik
Tutje, Sveçla ka shtuar se kompania kompania e cila është marrur me rregullimin e kësaj rrugë, ka kryer vepër penale për falsifikim të dokumentit zyrtar.
“Kompania fituese, e cila është kontraktuar nga Komuna e Prishtinës për ndërtimin e “Rrugës A” në vlerë prej 8 milionë e 500 mijë euro, ka të dënuar me aktgjykim të formës së prerë ish-drejtorin, i cili është shpallur fajtor për kryerjen e veprës penale për falsifikim të dokumentit zyrtar”, ka shkruar Sveçla në një postim.
