Ministrja e Ekonomisë, Artane Rizvanolli ka pritur në takim ambasadorin e Suedisë, Jonas Westerlund, ku diskutuan rreth fushë veprimtarisë së Ministrisë së Ekonomisë si dhe prioriteteve që ME ka në plan afatshkurtër dhe afatgjatë.
Ministrja Rizvanolli e ka njoftuar ambasadorin Westerlund për sektorin e ICT-së, që konsiderohet si një ndër sektorët me më shumë rëndësi si në aspektin e zhvillimit ekonomik dhe po ashtu për zhvillimin e kuadrove të reja profesionale.
Ndërmjet Ministres dhe ambasadorit u diskutua për nevojën e rritjes së bilancit tregtar ndërmjet dy vendeve, ku u dakorduan që të shikohen mënyra për të stimuluar kompanitë suedeze për investim në sektorë të ndryshëm dhe bashkëpunim më të madh ekonomik.
