Qipro ishte një nga vendet e para europiane që u përball me kërcënimin Iranian pas fillimit të konfliktit të Lindjen e Mesme. Dronët iranianë goditën disa herë bazën britanike në ishull, ndërsa ndaj vetë Mbretërisë së Bashkuar dhe Bashkimit Europian pati kritika për mënyrën si iu përgjigjën kërcënimit.
Presidenti I Qipros, Nikos Christodoulides, tha për Associated Press se udhëheqësit e bllokut do të duhet t’I japin kuptim Nenit 42.7 të traktateve të Bashkimit Europian, i cili i detyron të 27 shtetet anëtare të ndihmojnë njëri-tjetrin në kohë krize.
Neni thotë se nëse një komb është viktimë e agresionit të armatosur në territorin e tij, partnerët e tij duhet të ofrojnë ndihmë dhe asistencë me të gjitha mjetet në fuqinë e tyre. Ky rregull nuk është përdorur kurrë më parë, kështu që nuk ka rregulla të forta dhe të shpejta se si shtetet anëtare duhet t’i përgjigjen çdo thirrjeje për ndihmë.
“Ne kemi Nenin 42.7 dhe nuk e dimë se çfarë do të ndodhë nëse një shtet anëtar e aktivizon këtë nen. Pra do të zhvillojmë një diskutim dhe do të përgatisim, le të themi, një plan operativ se çfarë do të ndodhë në rast se një shtet anëtar e aktivizon këtë nen.”
Christodoulides tha se meqenëse shumë vende të unionit janë gjithashtu anëtare të NATO-s, manuali duhet të sqarojë se si këto vende do t’i përgjigjen një thirrjeje për ndihmë nga një partner i Bashkimit Europian pa rënë ndesh me detyrimet e tyre sipas aleancës ushtarake.
Garancia e sigurisë së vetë NATO-s, Neni 5, thotë se një sulm ndaj një aleati konsiderohet si sulm ndaj të gjithëve, duke kërkuar një përgjigje kolektive.
Christodoulides tha se është i kënaqur që sheh që udhëheqësit e tjerë të Bashkimit Europian tani “e kuptojnë rëndësinë” e afrimit të bllokut me Lindjen e Mesme me iniciativa të tilla si Pakti Mesdhetar që zbaton projekte specifike për një sërë çështjesh, duke përfshirë shëndetësinë, arsimin dhe energjinë në vendet e Lindjes së Mesme.
Këtë javë mbahet një samit informal I liderëve të unionit në Qipro, ku do të marrin pjesë liderët e Egjiptit, Libanit, Sirisë dhe Jordanisë.
