Raportimet në media se një deputete nga subjekti i Listës Guxo, do të kalojë në një subjket tjetër politik ka nxitur reagimin e ministrit Faton Peci, i cili ka dhënë edhe një porosi për personat që po flitet se mund të bëjnë veprime të tilla.
Porosia e Faton Pecit është dhënë e shoqëruar edhe me një fotografi me presidenten Vjosa Osmani dhe ministren e Jashtme, Donika Gërvalla, shkruan KosovaNews.
“Kush synon tjetërsimin apo kontrabandimin e vullnetit të qytetarëve, i bashkohet atyre që janë pjesë e erës së përfunduar në politikë”, ka shkruar Peci, duke mos përmendur emra se për këtë e ka dhënë këtë porosi.
Kohëve të fundit dhe sot në media është raportuar se deputetja e Grupit Parlamentar të Lëvizjes Vetëvendosje, Doarsa Kica-Xhelili, përfundimisht i ka ndarë rrugët me këtë grup dhe me subjektin e saj, Listën Guxo. Sipas raportimeve të thirrura në burime të pakonfirmuara sot ajo pritet se do ta zyrtarizojë kalimin në LDK, partinë që udhëhiqet nga Lumir Abdixhikut.
