Policia e Kosovës ka kërkuar ndihmën e qytetarëve për identifikimin e një personi të dyshuar për “vjedhje grabitqare”.
Policia kërkon nga qytetarët që kushdo që ka informacion për identitetin ose vendndodhjen e të dyshuarit, të kontaktojë menjëherë Policinë e Kosovës, ose të raportojnë në mënyrë anonime përmes aplikacionit “lajmëro policinë”.
“Policia e Kosovës, respektivisht Stacioni policor Jugu në Prishtinë, paraqet para jush fotografinë e të dyshuarit të shpallur në kërkim, i dyshuar për implikim në veprën penale ‘Vjedhje grabitqare’. Bashkëpunimi juaj është thelbësor për të na ndihmuar të garantojmë sigurinë brenda komunitetit tonë për një shoqëri pa krim”, thuhet në njoftim.
