Policia e Kosovës ka dhënë detaje shtesë lidhur me zjarrin që përfshiu një objekt banesor në Prishtinë, incident i cili mobilizoi policinë, zjarrfikësit dhe ekipet mjekësore për evakuimin e banorëve dhe vënien nën kontroll të flakëve.
“Është raportuar për një zjarr në një objekt banesor, të gjitha njësitë përkatëse kanë dalë në vendin e ngjarjes dhe kanë evakuuar banorët për të evituar rrezikun e mundshëm nga zjarri. Njësiti i zjarrfikësve ka shuar zjarrin. Si pasojë e zjarrit lëndime trupore kanë pësuar tre banorë të banesës dhe katër zjarrfikës. Të lënduarit kanë pranuar tretman mjekësor. Rasti vazhdon të hetohet”, njofton Policia.
