Gjatë ditës së sotme, Policia e Kosovës në bashkëpunim me AKI-në, kanë identifikuar dy lokacione në të cilat kanë qenë të vendosura kamerat vëzhguese të kamufluara për monitorim të lëvizjeve të qytetarëve, institucioneve të Qeverisë së Republikes së Kosovës dhe prezencës ndërkombëtare në veri të vendit.
Lajmin e ka konfirmuar zëvendës drejtori i Policisë në veri, Veton Elshani.
Këto kamera dyshohet se janë përdorur në vazhdimësi nga institutcionet e sigurisë së Serbisë.
“Lidhur me këtë rast janë të identifikuar dy persona të cilët janë me interes që të intervistohen nga ana e jonë.”
