Kryeministri i Republikës së Kosovës, Albin Kurti do të takohet në Bruksel me presidentin e Serbisë, Aleksander Vuçiq më 27 shkurt e ku do të diskutojnë për propozimin franko-gjerman.
Siç njoftohet në faqen zyrtare të Zyrës për Politikë të Jashtme dhe Siguri, Josep Borell dhe Miroslav Lajçak fillimisht do të mbajnë takime të ndara me Kurtin dhe Vuçiqin.
Sipas njoftimit këto takime do të fillojnë në orën 15:00, ndërsa pas kësaj, do të pasohet edhe një takim i përbashkët Kurti-Vuçiq.
“Takimi do të fokusohet ne propozimin e BE-së për normalizim të raporteve në mes të Kosovës dhe Serbisë”, thuhet në njoftimin zyrtare të Brukselit.
Pas takimit, është planifikuar edhe një konferencë për media e Përfaqësuesit të Lartë të BE-së, Josep Borell.
Pjesëmarrjen në takim e kanë konfirmuar edhe Kurti edhe Vuçiq.
