Një nga tre personat që u plagosën mbrëmjen e kësaj të premte në lagjen “Lakrishtë” në Prishtinë, është në gjendje të rëndë shëndetësore.
Nga Klinika Emergjente e Qendrës Kilinike Universitare të Kosovës (QKUK), kanë konfirmuar se dy të plagosurit tjerë janë në gjendje stabile.
“Njëri nga tre personat e plagosur është në gjendje të rëndë dhe po trajtohet në Emergjencë, ndërsa dy personat tjera janë në gjendje stabile dhe po trajtohen në Ortopedi”, ka thënë drejtori i kësaj klinike, Naser Syla.
Ndryshe, tre persona janë plagosur nga arma e zjarrit në lagjen “Lakrisht” në kryeqytet të premten në mbrëmje.
Zëdhënësja e Policisë së Kosovës për rajonin e Prishtinës, Florie Ahmeti, ka thënë se rasti ka ndodhur rreth orës 19:00.
Dy të dyshuar, që janë identifikuar, janë në kërkim nga Policia.
