Sot, në rrugën “Bill Kllinton” në Prishtinë ka ndodhur një aksident trafiku.
Rastin e ka konfirmuar zëdhënësja e policisë, Flora Ahmeti.
Të përfshirë në aksident ishin një këmbësor dhe një motoçikletë.
Si pasojë e aksidentit, këmbësori ka pësuar lëndime trupore dhe është dërguar për tretman mjekësor.
Njësiti i trafikut po merret me rastin.
“Rreth orës 18:20 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një motoçikletë.
Si pasojë e aksidentit lëndime trupore ka pësuar këmbësori dhe i njëjti është dërguar për tretman mjekësor. Me rastin po merret njësiti i trafikut”, ka thënë Ahmeti.
