Nipi i ish-kancelarit gjerman, Helmut Kohl, Johannes, mbajti dje fjalimin e tij të parë në Bundestag.
Fjalimi i tij hyrës u shoqërua me fjalë të mëdha dhe mbështetëse për Kosovën, me rastin e votimit të zgjatjes së misionit të Bundeswehr-it, në Kosovë.
Ambasadori i Kosovës në Gjermani, Faruk Ajeti, shpërndau fjalimin e Kohl-it, duke e falënderuar për mbështetjen e madhe dhe ngritjen e çështjeve me rëndësi për Kosovën.
“Një fjalim i jashtëzakonshëm, që bën thirrje për njohjen e Kosovës nga të gjitha shtetet e BE-së, anëtarësimin e saj në Këshillin e Evropës, si dhe respektimin e vendimit të Gjykatës Ndërkombëtare të Drejtësisë”, shkroi Ajeti.
Mes të tjerash, Johannes Kohl u shpreh:
“E nderuar zonja presidente, zonja dhe zotërinj, vendosja e Bundeswehr-it në Kosovë është një histori suksesi. Në vitet ’90, mbi 95,000 ushtarë të Bundeswehr-it kanë përmbushur misionin e tyre për të siguruar rendin publik në Republikën e Kosovës. Ata kanë dhënë një kontribut në ndërtimin e shoqërisë në Evropë. Ata kanë parandaluar një ringjallje të dhunës etnike dhe një zhvillim paqësor të vendit.
Në debatet e mëparshme, AfD-ja hodhi poshtë zgjatjen e mandatit, duke përmendur gatishmërinë e nacionalistëve serbë në veri të Kosovës për të përdorur dhunë. Zonja dhe zotërinj, kjo është absurde. Duke vepruar kështu, ju tregoni nevojën për një mandat të fuqishëm të Bundeswehr-it për të zbatuar Rezolutën 1244 dhe mendimin e Gjykatës Ndërkombëtare të Drejtësisë për Kosovën.”
