Nga 1 maji do të rikthehet në funksion marrëveshja e lëvizjes së lirë mes pikave kufitare të Vërmicës dhe Morinës, e cila kishte pushuar së funksionuari nga 1 marsi.
Si rrjedhojë e rikthimit në funksion të kësaj marrëveshje, nuk do të ketë më kontrolle në kufirin midis Kosovës dhe Shqipërisë.
Në pikën kufitare të Morinës gjatë fundjavës pati fluks të shtuar të udhëtarëve.
Të dhënat e fundit nga Dogana e Morinës tregojnë se deri në mesditën e së shtunës kanë hyrë në territorin e Shqipërisë 4,291 shtetas dhe 2,036 mjete, raporton RTSH-ja.
Ndërsa në dalje janë regjistruar 3,834 shtetas dhe 1,967 mjete.
