Frank G. Wisner, diplomati amerikan ka ndërruar jetë këtë të hënë në moshën 86-vjeçare në Mill Neck, Nju Jork. Ai punoi si ambasador në katër vende dhe ishte emisar i ShBA-së në bisedimet për statusin e Kosovës.
Shkak i vdekjes mësohet të kenë qenë ndërlikimet nga kanceri i mushkërive, ka raportuar kështu djali i tij David Wisner.
Wisner u bë zyrtar i Departamentit të Shtetit në vitin 1961 dhe punoi gjatë Luftës së Vietnamit, duke iu bashkuar një rrethi diplomatik që u rrit në detyrë duke përfshirë miqtë e tij Richard Holbrooke, i cili ndihmoi në negocimin për t’i dhënë fund luftës në Bosnje, dhe Leslie Gelb, e cila u bë gazetare dhe kryesoi Komitetin për Punë të Jashtme.
Për disa orë në janarin e vitit 1993, ditën e inaugurimit të parë të Klintonit, Wisner shërbeu si ushtrues detyre i Sekretarit të Shtetit.
Disa vite më vonë, pasi shërbeu në Indi dhe në Egjipt, Administrata e Xhorxh W. Bush kërkoi ndihmën e Wisnerit për të negociuar statusin e Kosovës si shtet sovran, një përpjekje që rezultoi e suksesshme – edhe pse Wisner u ankua që Serbia, ende refuzonte të njihte pavarësinë e Kosovës
