Musa Dermaku, një mërgimtar që jeton në Zvicër, ka ngritur shqetësime lidhur me fletëvotimet dhe zarfat e dërguar nga Komisioni Qendror i Zgjedhjeve (KQZ), transmeton KosovaNews.
Përmes një reagimi publik, ai ka bërë të ditur se sot kanë pranuar dy zarfa përmes DHL-së, por sipas tij, fletëvotimet dallojnë nga ato të zgjedhjeve të 28 dhjetorit 2025.
Dermaku thotë se në pjesën e pasme të fletëvotimit mungon vula e kaltër, ndërsa në vend të saj është vendosur një vulë e zezë që, sipas tij, duket si fotokopje bardhë e zi.
Ai po ashtu ka theksuar se në zarfa mungojnë edhe stikerat origjinalë që ishin përdorur herën e kaluar.
“Shqetësimi im është se ndoshta këto vota do të shpallen të pavlefshme”, ka deklaruar Dermaku.
POSTIMI I PLOTË;
