Ministri i Mbrojtjes, Armend Mehaj bashkë me gjeneral Bashkim Jasharin dhe Komandantin e FSK-së, vizituan Komandën e Forcave Tokësore në Istog, shkruan KosovaNews.
Ministri Mehaj tha se me këtë rast gjeneral Dreshajt i uruan gradimin dhe suksese në drejtimin e kësaj komande që përbën elementin kyç luftarak tokësor.
Ai tha se me punë të pandërprerë dhe investime të vazhdueshme, Forca e Sigurisë së Kosovës po zhvillohet për të pëmbushur standardet e NATO-s.
“Duke qenë në fazën e dytë të implementimit të Planit të Përgjithshëm të Tranzicionit kërkohet shumë angazhim për të përgatitur ushtarët e rinj në aspektin profesional, e po ashtu për të ngritur kapacitetet humane përmes trajnimit të vazhdueshëm të ushtarakëve tanë”, shkroi Mehaj në Facebook.
