Kryeministri britanik, Keir Starmer pritet të njoftojë të hënën se do të japë dorëheqjen, pas presionit të madh nga deputetët e Partisë Laburiste për t’i hapur rrugën Andy Burnham për t’u bërë udhëheqës i Partisë Laburiste.
Kryeministri dhe aleatët e tij kishin këmbëngulur për javë të tëra se do të luftonin një sfidë udhëheqëse nga Burnham, ose kushdo tjetër, përpara zgjedhjeve të pjesshme të Makerfield, në të cilat Burnham shpresonte të siguronte një kthim në Westminster, raporton TheGuardian.
Por, të dielën në mëngjes, sekretari i biznesit, Peter Kyle, i tha Sky News se Starmer po e kalonte fundjavën “duke gjetur kohë për të reflektuar mbi realitetet politike” me të cilat përballet.
Duke folur në emër të qeverisë, Kyle refuzoi të thoshte se cilat mendonte se ishin planet e Starmer, ose çfarë i kishte kërkuar kryeministrit të bënte.
