Të paktën nëntë persona janë vrarë në sulmet me raketa balistike ruse në Kiev, thanë zyrtarët lokalë.
28 persona të tjerë u plagosën në sulmin ndaj kryeqytetit ukrainas të shtunën në mëngjes, sipas Shërbimit Shtetëror të Emergjencave, raportoi BBC.
Moska ka përshkallëzuar sulmet vdekjeprurëse me raketa balistike ndaj Kievit kohët e fundit, duke bërë që presidenti ukrainas Volodymyr Zelensky të thotë se nevojiten urgjentisht sisteme mbrojtjeje raketash.
Sulmet vijnë dy ditë pasi një raketë e dyshuar ruse ra në Poloni gjatë një sulmi të gjerë ndaj Ukrainës që vrau të paktën tetë persona, përfshirë gjashtë anëtarë të një familjeje.
Zjarre shpërthyen në të gjithë qytetin dhe ndërprerje të energjisë elektrike u raportuan në disa zona.
Sulmi vjen pasi Zelensky u takua me presidentin amerikan Donald Trump në Ëashington më herët këtë javë për t’i kërkuar SHBA-së t’i japë Ukrainës një licencë për të prodhuar raketa Patriot.
Ndërsa Rusia ka rritur sulmet e saj ajrore, Ukrainës i kanë mbaruar furnizimet me Patriot, të cilat mbeten arma e vetme në arsenalin e saj të aftë për të rrëzuar raketat balistike.
