Një sulm ka ndodhur të premtën në Magdeburg të Gjermanisë, ku një qytetar hyri me makinë në tregun e Krishtlindjeve.
Lidhur me incidentin tragjik ka reaguar kryeministri i Kosovës, Albin Kurti, ku ngushëlloi familjet e prekura nga ky sulm.
“Ngushëllimet e mia më të thella për viktimat dhe familjet e prekura nga sulmi në Magdeburg. Mendimet tona janë me popullin gjerman gjatë kësaj kohe të dhimbshme. Populli i Kosovës solidarizohet me ju”, ka shkruar Kurti në platformën ‘X’.
Sipas shërbimit të shpëtimit, janë 60 deri në 80 të lënduar, shkruan ZDF. Drejtuesi i makinës është arrestuar, teksa dyshohet se një person ka humbur jetën si pasojë e përplasjes.
Dëshmitarët raportojnë se automjeti ka hyrë direkt në turmë dhe ka shpërthyer paniku.
