Ministri i Administrimit të Pushtetit Lokal, Elbert Krasniqi, me anë të një postimi në llogarinë e tij në Facebook njoftoi se në Komunën e Pejës, nga programi për performancë komunale kanë financuar disa projekte, ndër tjerash që janë edhe projekti për ndërtimin e urës për këmbësorë në lagjen Puhovc dhe projektin për rregullimin e hapësirës dhe vendosjes së urës së re te Sharra.
Ai postoi edhe disa fotografi të projekteve të përfunduara, duke shkruar se përmes tyre ofrohet mundësi për fuqizimin e turizmit, bashkimin e qytetarëve dhe zhvillimin ekonomik lokal.
“Projekte të tilla janë prioriteti ynë duke pas gjithmonë për qëllim të krijojmë kushte më të mira për qytetarët”, shkroi ministri Krasniqi.
