Në komunën e Leposaviqit është hapur për herë të parë Zyra e Noterisë, një shërbim kyç për qytetarët e kësaj zone që deri më tani kanë pasur vështirësi në qasjen ndaj shërbimeve të tilla ligjore.
Kryetari i Komunës së Leposaviqit, Lulzim Hetemi, ka bërë të ditur se zyrën e re e ka hapur në bashkëpunim me noterin Arianit Shala.
“Sot pata nderin që, së bashku me noterin Arianit Shala, të hapim për herë të parë Zyrën e Noterisë në komunën tonë. Zyra është e vendosur në katin e dytë të Qendrës për Punë Sociale, zyra numër 1. Zyra do të jetë e hapur për qytetarët çdo të hënë dhe të martë”, tha Hetemi./Arbresh,info
