Një qytetar derisa po mblidhte hekura në një hapësirë ka gjetur armë në fshatin Prelluzhë të Vushtrrisë.
Lajmin për Ballkani.info ka konfirmuar zëdhënësi i Policisë së Kosovës për rajonin e Mitrovicës Jugore, Avni Zahiti.
Ai tha se në atë lokal janë gjetur dy armë të gjata, një sasi e municionit, katër granata dore, një tromblon.
“Në orët e pasdites një qytetarë ka raportuar se derisa po mblidhte hekura në një hapësirë ku hedhen mbeturinat në hyrje të fshatit Prelluzhë, ka vërejtur dy armë. Lidhur me informatën janë ndërmarrë veprime operative e hetimore ku nga njësitë përkatëse është bërë perimetri i sigurisë. Gjatë kontrollit në atë lokacion janë gjetur: Dy armë të gjata, një sasi e municionit, katër granata dore, një tromblon.”, ka thënë Zahiti.
Përndryshe Prelluzha është fshat i banuar nga serbët.
