Ministri i Administrimit të Pushtetit Lokal, Elbert Krasniqi përmes një video në facebook ka prezantuar ecurinë e ndërtimit të shtëpive në veri për komunitetin joshumicë.
Krasniqi ka thënë se është i lumtur që shtëpitë në Mitrovicë të veriut janë afër përfundimit dhe se punët po e ecin mbarë dhe pamjet e bukura të shtëpive pothuajse po marrin pamjen përfundimtare.
Këto shtëpi janë të destinuara për komunitetin joshumicë yë cilat po ndërtohen fshatrat Cerajë, Bistricë, Kroi i Vitakut, Koshtovë dhe Zhazhe.
“Jam i lumtur të ndaj lajmin se punimet për ndërtimin e shtëpive për komunitetet joshumicë në komunat në veri të vendit po kryhen me sukses. Çdo tullë e shtruar dhe çdo rreze e ngritur na sjell më pranë krijimit të shtëpive të sigurta, të përballueshme dhe të bukura për banim për ata që kanë më shumti nevojë për to.
Ekipi ynë vizitoi disa nga shtëpitë në fshatrat Cerajë, Bistricë, Kroi i Vitakut, Koshtovë dhe Zhazhe.
Punimet po ecin mbarë dhe pamjet e bukura të shtëpive pothuajse po marrin pamjen përfundimtare” ka shkruar Krasniqi në Facebook
Qeveria e Kosovës në fillim të këtij viti ka ndarë 4 milionë euro shtesë për ndërtimin e shtëpive të pjesëtarëve të komuniteteve joshumicë në komunat: Mitrovicë Veriore, Zveçan, Leposaviq dhe Zubin Potok.
Kurti tha se ata “janë në gjendje të rëndë sociale, me kushte të rënda banimi”, ndaj tregoi se Ministria e Administrimit të Pushtetit Lokal i ka kërkuar Ministrisë së Financave dhe Transfereve për ndarjen e kësaj shume.
Ministri i Financave, Hekuran Murati tha se do të subvencionojnë plotësisht ndërtimin apo rindërtimin e shtëpive.
