Këto të dhëna janë publikuar në indeksin e pasaportave Henley, që bën rënditjen origjinale të autoritetit të secilës prej 199 pasaportave të vendeve të ndryshme të botës.
Pasaporta më e fuqishme në botë është ajo e Japonisë, pasuar nga Singapori dhe Koreja e Jugut, kurse më e dobëta është ajo e Afganistanit, Irakut e Sirisë.
Këto të dhëna janë publikuar në indeksin e pasaportave Henley, që bën rënditjen origjinale të autoritetit të secilës prej 199 pasaportave të vendeve të ndryshme të botës, raporton RTKlive.
Kjo, duke u bazuar në numrin e destinacioneve në të cilat poseduesi i një pasaporte të një vendi, mund të hyjë pa pasur nevojë të marrë paraprakisht një vizë.
Sa u përket pasaportave të vendeve të ish Jugosllavisë, pasaportat më të fuqishme nivel global, janë ajo e Sllovenisë në vendin e 11-të, kurse ajo e Kroacisë në vendin e 18-të.
Tanimë këto dy shtete janë pjesë të Bashkimit Evropian dhe NATO-s.
Në anën tjetër, sa u përket gjashtë shteteve të Ballkanit Perëndimor, pasaporta e Serbisë është e para në vendin e 37-të, raporton RTKlive.
Pas këtij shteti, pasaporta më e fuqishme nga rajoni, janë ato të Maqedonisë së Veriut dhe Malit të Zi në vendin e 46, Bosnje e Hercegovinës në vendin e 51, Shqipërisë në vendin e 52, kurse e Kosovës është e fundit në vendin e 99.
Pasaporta e Serbisë në vendin e 37 dhe poseduesi i saj ka qasje pa vizë në 137 vende të botës.
Pasaporta e Maqedonisë së Veriut në vendin e 46 dhe poseduesi i saj ka qasje pa vizë në 126 shtete të botës.
Pasaporta e Malit të Zi në vendin e 46 dhe poseduesi i saj ka qasje pa vizë në 124 shtete të botës.
Pasaporta e Bosnje e Hercegovinës në vendin e 51 dhe poseduesi i saj ka qasje për vizë në 118 shtete të botës.
Pasaporta e Shqipërisë në vendin e 52 dhe poseduesi i saj ka qasje pa vizë në 115 shtete të botës.
Pasaporta e Kosovës në vendin e 99 dhe poseduesi i saj ka qasje pa vizë në 41 shtete të botës.
Për nga fuqia, pasaporta e Kosovës ndodhet para asaj të Libanit dhe prapa asaj të Sudanit.
Ajo e Shqipërisë, për nga fuqia e saj, ndodhet prapa asaj të Rusisë dhe para pasaportës së Gjeorgjisë.
Pasaporta e Serbisë për nga fuqia, ndodhet prapa pasaportës së Paraguait dhe para Perusë.
Pasaporta e Maqedonisë së Veriut ndodhet prapa asaj të Tuvalusë dhe para asaj të Malit të Zi.
Pasaporta e Malit të Zi për nga fuqia ndodhet prapa asaj të Maqedonisë së Veriut dhe para asaj të Kiribatit.
Pasaporta e Bosnje e Hercegovinës ndodhet prapa asaj të Ishujve Palau dhe para asaj të Mikronezisë.
Radhitja bazohet në të dhëna ekskluzive të mbledhura nga Shoqata Ndërkombëtare e Transportit Ajror (IATA) – databaza më e madhe, më e saktë e informacionit të udhëtimit.
