Zëvendësministri i Infrastrukturës, Hysen Durmishi, ka njoftuar se për shkak të kontrastit të temperaturave, gjatë natës dhe orëve të hershme të mëngjesit rrugët në vend janë mbuluar me ngrica.
Ai ka bërë të ditur se ekipet kompetente kanë intervenuar gjatë gjithë natës në shumicën e rrugëve që janë në përgjegjësi të ministrisë, duke vazhduar edhe sot në mëngjes me pastrimin e tyre dhe hedhjen e kripës.
Sipas Durmishit, aktualisht të gjitha rrugët janë të kalueshme, megjithatë ai ka apeluar tek qytetarët që të kenë kujdes të shtuar gjatë qarkullimit dhe t’i përshtatin shpejtësinë dhe lëvizjen kushteve të rrugës.
“Ju lutemi t’i përshtateni kushteve të rrugës”, ka theksuar Durmishi, duke apeluar për kujdes maksimal për sigurinë e të gjithë pjesëmarrësve në trafik.
