Tashmë ka nisur mbledhja e jashtëzakonshme e Komisionit Parlamentar ku po merren në pyetje anëtarët e Komisionit të Pavarur të Mediave (KPM) lidhur e vendimin e tyre që të kthehen kanalet e Serbisë “Arena” për transmetim në Kosovë.
KPM-ja pak ditë më parë e shfuqizoi vendimin e saj të marrë më 3 tetor të vitit 2023, përmes të cilit kishte pezulluar kanalet sportive të “Arena”, pasi në to ishin shfaqur mesazhe e thirrje mbështetëse për terroristët e vrarë më 24 shtator 2023 në Banjskë.
Kështu këto kanale serbe tani po transmetohen në Kosovës përmes operatorit kabllor “ArtMotion”.
Me të nisur mbledhja ishte deputeti i Kuvendit të Kosovës nga radhët e Vetëvendosjes, Nijazi Isaku, i cili ka pyetur anëtarët e KPM-së se çfarë i shtyri të marrin vendim që të kthehen për transmetim kanalet që i dolën në përkrahje Serbisë dhe terroristëve që kryen sulm në Kosovë.
Mes tjerash Isaku ka kërkuar që për këtë vendim anëtarët e Bordit të KPM-së të shkarkohen nga detyra, sepse morën vendim e kthyen kanalet ndërsa që rrethanat nga ngjarja e cila tronditi vendin nuk kanë ndryshuar dhe Serbia ka qasjen e njëjtë ndaj Kosovës.
“Ju e keni rastin e mbledhjes së KS të OKB-së që kur foli kryeministri i Kosovës e ndalën transmetimin e ju keni lejuar që të transmetohen kanalet e Serbisë që u dolën në përkrahje terroristëve serbë që sulmuan shtetin tonë. Me këtë vendim po i vazhdoni transmetimin kanaleve serbe e “Art Motion” që nuk e njeh as shtetin e Kosovës”, ka thënë mes tjerash Isaku.
KPM-ja me vendimin e saj ia riktheu “Artmotion” kanalet e Serbisë “Arena”, të cilat shfaqën mesazhe mbështetëse për terroristët e vrarë më 24 shtator në Banjskë.
Mbledhja e Komisionit Parlamentar po vazhdon ende dhe po flasin e shtrojnë pyetje edhe deputetët tjerë…
DETAJE në linkun më poshtë:
