SKANDALOZE: Propaganda serbe futet në Kosovë përmes “Art Motion” duke i paraqitur “Heronjë” terroristët e vrarë nga policia e Kosovës (Foto)

Kompania ArtMotion, e cila ka monopolizuar rrjetin kabllor të internetit dhe të përmbajtjeve televizive, në veçanti ato sportive në Kosovë, vazhdon të transmetojë edhe këto ditë kanalet serbe, duke u futur kështu nëpër shtëpitë e qytetarëve të Kosovës propaganda serbe.
Gjatë ditës së sotme në këtë platformë kabllovike janë përcjellë mesazhe propaganduese për terroristët serb të vrarë me 24 shtator gjatë një përleshje mes policisë së Kosovës ku mbeti i vrarë edhe polici hero Afrim Bunjaku.
“Lavdi per heronjët “, “Do të ju kujtojmë” janë disa nga mesazhet që shfaqen gjatë transmetimit të ndeshjeve sportive të transmetuara në platformen “Art Motion”.
Gjatë transmetimit të këtyre mesazheve për terroristët e vrarë shfaqet data e rënjës së tyre dhe Manastiriu i Banjskës vendi ku u strehuan terroristët serb në krye me kriminelin Milan Radojçiq.
Kujtojmë se KosovaNews ka bërë një seri hulumtimesh ekskluzive për kompanitë e Devollëve e ku njëra ndër to ishte edhe kompania Art Motion ku u vërtetua me fakte se pronari i saj pronësinë eArt Motion e ka të regjistruar me pasaportë serbe me adresë “Peç Srbija”.